Изображения: Выкл Вкл Шрифт: A A A Цвет: A A A A Обычная версия
Вернуться к обычному виду

Иворъёс

Удмурт Кенеш огазеяськонлэн пумиськонэз ортчиз Баграш-Бигра гуртын 21.01.2021

Удмурт Кенеш огазеяськонлэн пумиськонэз ортчиз Баграш-Бигра гуртын

Кызьы радъяно ёросысь "Удмурт Кенеш" огазеяськонлэсь ужзэ, туала улонлэсь куронъёссэ лыдэ басьтыса ? - та юанлы валэктон утчазы Баграш-Бигра гуртын ортчем Ёрос Кенешлэн Правлениезлэн пасыкытатэм пумиськоназ.

Пыриськизы та ужрадэ, Правленилэн ёзчиосыз сяна, Вань удмуртъёслэн 14-тӥ Ӧтчамзылэн делегатъёсыз, Ёрос Тӧролэн мерлыко ужпумъесъя воштӥсез Оксана Дерендяева , ёрос лыдӟиськон юртлэн кивалтӥсез Оксана Серебрякова. Нимысьтыз ӧтемын вал удмурт гуртъесысь егит ӧнерчиос но муниципал кылдытэтъеслэн кивалтӥсьессы.

14-тӥ Ӧтчамын эскерем ужпумъёсын тодматӥзы делегатъес Ольга Туктарева, Михаил Возняков, Екатерина Гагарина, Николай Зайцев, Зинаида Елизарова, Надежда Степанова.

Правленилэн ёзчиосыз дэмлазы таяз арын валтӥсь ӧръёсъя ужаны, нимысьтыз саклык висъяны гуртъесын бӧлякез азинтонлы но удмурт кыллэсь кутӥськон удыссэ паськытатонлы.

Кызьы ужало Баграш-Бигралась азьветлӥсьес Бигра воршудъесты, выжыосты эскеронъя, тодматӥз Пичи Кенешлэн ёзчиез Владимир Ботников. Люкаськемъес озьы ик "Даур шыкыс" гурт музеен тодматскизы.

Удмурт кыллэсь кутӥськон удыссэ паськытатон дэмланъесын резолюция бордын али нимысьтыз группа ужа. Озьы ик кенешемын матысь дыре шаерез тодонъя ӧнерчиослэсь семинарзэс радъяны но удмурт егитъеслэсь форумзэс ортчытыны.

Возврат к списку