Изображения: Выкл Вкл Шрифт: A A A Цвет: A A A A Обычная версия
Вернуться к обычному виду

Иворъёс

Удмурт Кенеш но ачим…. 18.12.2020

Удмурт Кенеш но ачим….

Дас ньылетӥзэ ветлӥ Удмурт Ӧтчаме. Озьы ик удалтӥз ужаны кыказ Россиысь но кыказ дуннеысь финн угор калыкъёслэн Конгрессъёсазы.

Мар со?

Тодӥм но валам – финн-угор калыкъёс луо нырысетӥосыз пӧлын, кин быгатӥз Россияез огазеяны но кунлык кылдытыны. Табере асьсэос калыкъёс валаны тыршо, кинъёс соос Россия но Дунне пушкын. Та берло 30 аръёс ӵоже ваньмыз соос асьсэ калыкъёслэсь Кенешъёс кылыдытыны быгатӥзы но выль синмын учкыны тыршо асьсэ шоры, улон-вылонзы шоры. Котькыӵе вераськонъёс, куддыръя керетонъёс потылӥзы та вискын. Пумен вуэ валан – ваньмыз асьме бордысь. Кин меда луэммы потэ куддыръя ворскем кылмес тодытэк, вунэтыса, сям йылолъёсысь кужым но мылыкыд басьтыны дышытэк, ворскем интысь кошкыса, мукет шаерысь шуд утчаса?...

Таиз но Дас ньылетӥ Ӧтчам туж зол возьматӥз, асьмеос выльысь улӟиськом кадь, котькудӥз тырше валаны, вераны – кин мон. Мар лэсьтӥсько аслэсьтым улон-вылонме аслым кельшымон карыны, калыкен чош ужаны, юнме сюлворон утчатэк.

Ачим но сямызъя гинэ УДМУРТ луыны быгатӥсько вал. Гуртысь потыса, туж синмаськымон образование басьтӥ. Ужай космической связь бордын. Тодматски пинал студенткаен. 18 аресъем нылэз кышно басьтыны лыктӥ. Учкисько но –азям сылэ удмурт дэремен, кышетэн нылаш. Мар дауртӥськод шуко. ЗАГСэ ,пе, пормытски. Керетыса фата но пыр адскись дэрем дисяти.

Монэ обкоме ужаны басьтӥзы. Огпол вахтаысь постовой жингыртэ- Василий Ермолаевич, тӥ доры, пе, пересь кышномурт куриське. Учкисько но мынам пинал кышное удмурт дэремен. Улляса кыдекын вераським. Тӥни озьы удмуртлыклэсь возьдаськыса, кышноме но ӟуч карыны тырши. Огпол гуртысен телевизорысь учкисько – удмурт чебер кышномуртэз Америкаысь посол ӟыгыръя. Со но вылэм Татьяна Никитична. Берлогес соос Надежда Уткинаен Москваын Красной площадьын удмурт дӥсен экто… Ой быгаты кутыны. Вылаз ик со кыскиз Пургала улыны бертыны. Татын гуртын выль омырен улон кутскиз. Татьяна Никитична, удмуртлыкен но удмурт дэремен тунсыкъяськыса, монэ вуттӥз Женеваозь - Организация Объединенных Наций Двореце. Та мылкыдо ужамлэн пайдаез туннэ тросэзлы шодӥське ини.

Ачим но 30 ар ӵоже нырысетӥ Удмурт Ӧтчамез дасян борды кутскыса, весяк Кенешын ужай. Ми отын ӧм тырше удмуртъёсыз удмурт карыны. Ми тыршим- асьсэос удмуртъёс мед сайкалозы – кытысь шуд утчано. Кин ӧз вала – дыр вань-ай шонер сюрестэс шедьтыны. Тон котькыӵе кылын вераськы, яратоно ужын котькытын ужа, нош сюлмад пырем сям-йылолъёс, удмуртлык тонэ шунтэ ке, тон котьку тазалыко но азинлыко луод!

Тау Кенешын чош ужам эшъёсылы, мон лыдъясько –со БЫДЭС ЁРОС. Асьтэлы валамон но шудо сюрес тӥледлы сӥзисько.
Вуись ВЫЛЬ АРЕН!

Удмурт кенешчи Василий Москвин

Возврат к списку