Изображения: Выкл Вкл Шрифт: A A A Цвет: A A A A Обычная версия
Вернуться к обычному виду

Иворъёс

"Зарни шеп" калык ансамбльлы - 40 ар 30.11.2019

"Зарни шеп" калык ансамбльлы - 40 ар

Гажано «Зарни шепъёс»!

Сюлмысьтымы но гажаса зечкыласьком тüледыз
40 арес тырмон лыдпусэн!

Та нуналъёс котькуд удмуртлыкез гажась но утись адямилы луо тау карон но данъяськон дыр. Нырысь ик со тüляд асьтэлэн сюлмысь ужамды. Дырыз дыръя тü быгатüды аналскем, умме усем удмурт калыкез сайкатыны, солэсь чеберлыксэ, визьнодзэ но кужымзэ возьматыны. Гуртъёсын, ёросын, Удмурт элькунын, быдэс Россияын но кунгож сьöрын тü кылымон но адзымон кариды удмурт кырзан-веранэз, эктонэз, дüсез, сям-йылолъёсты но востэм сямез.

Котькуд ог мылкыдын люкаськем коллектив кужмо но пазьгиськисьтэм луэ солэн оскымон но визьмо кивалтüсез вань ке. Пургаослы удалтüз – асьмелэн сыче дано адямимы вань – со Федосья Михайловна Тубылова. Та сюлмо удмурт нылкышно огшоры удмурт калык фольклорез быгатüз жутыны вылü искусство данэ.

Тü трос дуннеез адземын, трос калыкез шулдыртэмын, интыяз трос чебер дано кылъёс но дун басьтэмын – сое нокин но уз вунэты. Со понна ик тüледлы «Калык творчествоя сиё-дано коллектив» ним сётэмын.

Ог 200 пала пургаос «Зарни шепысь» улон но чеберлыкез валан кужым басьтüзы, синмаськымон семьяос кылдытüзы, чебер пинал вордüзы, будэтüзы. Со понна ик таче коллективъёс ноку но медаз быре, мед азьланьскозы, кужымзы мед тырмоз будыны, ваньмызлы синмаськымон луыны.

Сüзиськом коллективлы азьланяз вормонъёс, тыршон, ог-огдэс валан но яратон.
Вань чеберлыкез гажась Пичи Пурга калык тüледын!

Гажаса,
Ёрослэн тороез Сергей Юрин
Ёрос депутатъёслэн торозы Василий Москвин


Возврат к списку